سجل الفنان أمير يزبك حلقة نارية مع الإعلامي رجا ناصر الدين ستُعرض غدا الجمعة، كشف فيها كل الحقائق بشأن زواج طليقته رنيم إسحق من الشاعر حبيب بو انطون في أميركا .
وقال بو انطون في الفيديو: “بشكر الصحافة والمواقع يلي نسيت انو إسرائيل محتلة 70 ضيعة وانو تنكة البنزين بـ 40 دولار وحرب عالمية على البواب وعطتني هالمساحة واكتر من حقي، حطيتوني بمستوى أحداث المنطقة.”
وتابع: “نحنا ولاد بيئة محافظة وولاد ضيعة بس بدنا نتجوز بيجو أهلنا يطلبو العروس منفوت على بيوت الناس من الباب العالي ومنتجوز بضيعتنا مع أهلنا وقرايبنا وأصحابنا وبكنيستنا على الزواح المسيحي الماروني ما منتجوز عالسوشيل ميديا.”
وقال: “نحنا ولاد بيوت ونحنا يلي منفوت على البيوت انت ابن شارع، نحنا ولاد الأصل انت ابن حرام، قلك جمعتين جويت السوشيل ميديا والعالم عبتبزق عليك يا ريت بتترك العالم وبتروح بتجيب صبابيط وأكل لولادك وبتحل عنا.خليك بمنفاك نحنا ما بيشرفنا نفوت على بيتك ولاقيني عالقضاء”.
ورد يزبك على بيان رنيم عبر منشور ايجابي على حسابه على انستغرام قائلا: “بعد قراءة التوضيح يلي نشر على موقع السيدة رنيم اسحق بدي قول وصلي حقي بهيدا التصريح والله يوفقها بحياتها والطلاق يلي تقدم بأميركا من رنيم هي حرة بحياتها بعد اليوم والموضوع عندي انتهى من ناحية زواجي. وسوء التفاهم يلي حصل. وبالنسبة لحبيب بو أنطون نحن أصدقاء وسوء تفاهم حصل. وبالنسبة للخلافات بيني وبين رنيم منحلها بيني وبينها شخصيا”.